«حالىق قازىناسى» مۋزەي اكتسياسى اياسىندا ««Botaı – babalardyǹ murasy» حالىقارالىق كورمەسى شال اقىن اۋدانىندا ءوتتى.
ءوڭىردىڭ مادەني قۇندىلىقتارىن ۇلىقتاۋ, ونىڭ ىشىندە «بوتاي» ەسكەرتكىشىن ناسيحاتتاۋ, تۋعان ولكە تاريحىنا جۇرتشىلىقتىڭ قىزىعۋشىلىعىن ارتتىرۋ ماقساتىن دىتتەگەن يگى شاراعا «ارحەولوگيا جانە دالا وركەنيەتتەرى» عىلىمي زەرتتەۋ ينستيتۋتىنىڭ ديرەكتورى, تاريح عىلىمدارىنىڭ دوكتورى ۆيكتور زايبەرت, وڭتۇستىك ورال مەملەكەتتىك ۋنيۆەرسيتەتىنىڭ كافەدرا مەڭگەرۋشىسى, عىلىمي ءبىلىم بەرۋ ورتالىعىنىڭ ديرەكتورى الەكساندر تايروۆ, ونەرسۇيەر قاۋىم, جاستار قاتىستى.
حالىقارالىق كورمەنىڭ اشىلۋىندا سويلەگەن سوزىندە اۋدان اكىمى نۇرلان ەسىموۆ ەلباسى « ۇلى دالانىڭ جەتى قىرى» ماقالاسىندا وتان تاريحىنا جاڭاشا قاراۋدىڭ كوزقاراسىن ءتۇزىپ بەرگەنىن اتاپ كورسەتتى.
«كوپتەگەن كورنەكتى مادەني جەتىستىكتىڭ قازاقستاننان تامىر الاتىنىن ءبىز ماقتان تۇتامىز. ونى ءاربىر قازاقستاندىق ەرەكشە قاستەرلەيدى. باعا جەتپەس تاريحي جادىگەرلەر اتا-بابالارىمىزدىڭ ءوز زامانىنىڭ ەڭ وزىق تەحنولوگيالارىن قولدانعانىن راستايدى. ۇلى دالا الەمگە جىلقى شارۋاشىلىعىن دامىتقان تۇڭعىش ەل رەتىندە جاقسى تانىس», دەدى اۋدان اكىمى.
بوتاي قونىسىن ەجەلگى ادامدار مەكەندەپ, جىلقى ت ۇلىگىن قولعا ۇيرەتكەنىن ارحەولوگيالىق قازبالار ايعاقتايدى. وسى تۇرعىدان وي تەربەگەن ۆ. زايبەرت بوتاي مادەنيەتىمەن جەتە تانىسۋدىڭ ماڭىزدىلىعىن تالداپ بەردى. بۇگىنگى جاس ۇرپاق ۇلتتىق تاريحتىڭ قاينار كوزدەرى تەرەڭنەن باستاۋ الاتىنىن ءبىلىپ ءوسۋى ءتيىس, دەدى ول. ارحەولوگ عالىمنىڭ ايتۋىنشا, بوتاي قونىسى ەنەوليت ءداۋىرىنىڭ ارحەولوگيالىق ەسكەرتكىشى بولىپ تابىلادى.
ايىرتاۋ اۋدانىنىڭ يمان-بۇرلىق وزەنىنىڭ وڭ جاعالاۋىندا ورنالاسقان. وتكەن عاسىردىڭ سەكسەنىشى جىلدارى ونىڭ جەتەكشىلىگىمەن العاشقى ارحەولوگيالىق ەكسپەديتسيا قازبا جۇمىستارىمەن اينالىسىپ, جەبەلەردىڭ ۇشتارى, دروتيكتەر, بالتالار, سۇيەك قاشاۋلارى سەكىلدى مول ولجاعا كەزىككەن. بوتايلىقتار كەشەندى كوپ سالالى شارۋاشىلىقتارمەن اينالىسقان. جىلقىنى قولعا ۇيرەتىپ, كولىك , ءمىنىس رەتىندە پايدالانعان.تاس, سۇيەك, اعاش, تەرى وڭدەگەن. بىرەگەي ساۋلەت تاسىلدەرىن مەڭگەرە وتىرىپ كۇردەلى قۇرىلىستار سالعان.
ا.تايروۆ, وبلىستىق مادەنيەت, ارحيۆ, قۇجاتتامالار باسقارماسى باسشىسىنىڭ مىندەتىن اتقارۋشى دوسبول ابدريسوۆ ءوز سوزدەرىندە « ۇلى دالانىڭ جەتى قىرى» ماقالاسىنان تۋىندايتىن مىندەتتەردى, وسكەلەڭ ۇرپاقتى وتانشىلدىققا تاربيەلەۋدەگى كورمە, مۋزەيلەردىڭ ءرولىن ارقاۋ ەتتى.
جينالعاندار «Botai – babalardyn murasy» كورمەسىن تاماشالاپ, بوتاي ەلدى مەكەنىنەن تابىلعان قۇندى جادىگەرلەرمەن تانىستى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى